Друштвото на медицински сестри од Албанија изнесе фрапантни бројки за медицинските сестри кои веќе ја напуштиле земјата и оние кои чекаат да заминат на работа во Германија.


Елсон Јачај, претседател на асоцијацијата на медицински сестри во врска со овој проблем истакна: „Само во периодот јануари-јуни годинава во Германија заминаа околу 2.500 медицински сестри.  Исто така, имаме информации дека околу 2.000 други веќе аплицирале и само прашање на денот е кога ќе заминат.Повеќето од нив се професионалци со повеќегодишно искуство а не штотуку дипломирани. Најбараните профили се за медицинска грижа во семејство, геријатриските болници, педијатрија и реанимација“

Како главна причина за заминувањето се истакнува платата, како и условите за работа и непочитувањето на овој кадар во здравството. Според него месечната плата на медицинска сестра во Албанија е 40 илјади леки,или 300 евра, додека на лекарите 65 до 70 илјади леки (едно евро= 126 леки),а во Германија основна плата за сестрите е 1.800 додека од 2.800 до 3.000 евра за лекар.

На овој проблем се надоврза и директорот на Медицинскиот факултет во Тирана, Арбен Ѓата кој се согласува дека причини се платата и условите за работа ,но и можностите за кариера. Тој истакна дека во просек секоја година Албанија ја напуштаат доколу 200 лекари од општа пракса но и специјалисти