Република Српска повторно ќе има своја војска, вели српскиот член на Претседателството на Босна и Херцеговина Милорад Додик. 

Зборувајќи за одлуките на Уставниот суд на БиХ, кажа дека сè што е штетно по интересите на Република Српска треба да се укине.

„Ние ќе ја повлечеме нашата согласност од договорот за војската. Ќе предложиме и за тоа ќе одлучуваме во следните неколку дена со рушење на законот за војска во рок од неколку месеци да се формира војска на Република Српска. Тоа се е во согласност со уставот. Нема на светот место каде со закон може да се урне Устав, само се обидуваат да нè убедат дека е така“, изјави Додик.

Вели дека во уставот на Босна и Херцеговина пишува дека постои војска на Република Српска. Тој рече дека БиХ е експеримент.