На прашањето што очекуваат во иднина, 38 отсто од сопствениците на сместувачките капацитети во ЕУ рекле дека веруваат дека нивната економска ситуација позитивно ќе се развива во следните шест месеци, додека 17 отсто веруваат дека ќе се влоши.

Европа е најголемата дестинација во светот каде патувањето и туризмот се важни столбови на економијата на континентот. Во референтната 2019 година, пред оваа индустрија да биде десеткувана од глобалната пандемија, европскиот туристички сектор сочинуваше повеќе од девет проценти од БДП и вработуваше околу 38.000 луѓе. Според податоците на Светскиот совет за патувања и туризам, имаше силна летна сезона низ ЕУ, а особено корист имаа сопствениците на сместувачките капацитети. По две поразителни години, ова подобрување беше добредојдено, а резултатот беше дека многу сместувачки капацитети забележаа одлични резултати. Кога станува збор за иднината, хотелиерите се изјаснија дека се внимателни оптимисти, па 38 отсто од сопствениците на сместувачките капацитети во ЕУ рекле дека веруваат дека нивната економска состојба позитивно ќе се развива во следните шест месеци, додека 17 отсто веруваат дека ќе се влоши.

- Истражувањето покажа значителни разлики меѓу националните држави и видовите на сместување. Шпанија, Португалија, Швајцарија и Холандија имаа добри резултати во изминатите шест месеци и оптимистички погледи за иднината. Спротивно на тоа, германските, француските и австриските хотелиери значително помалку позитивно ја перципираат својата моментална економска ситуација и имаат помали очекувања за иднината - според ова истражување.

Интересно е што постои суштинска разлика помеѓу индивидуалните хотели и оние кои се дел од синџири. Индивидуалните хотели имаат недоволно работење според сите показатели – од стапките на искористеност и ноќевањата во соби кои се во опаѓање во текот на изминатите шест месеци, до проблеми со добивање пристап до капитал и послаба контрола со дигитализацијата. Токму затоа тие се генерално помалку оптимисти за иднината. Истражувањето покажува дека помалите хотели со помалку соби поминале најлошо. Навистина, малите и независни хотели се најпогодени од кризата предизвикана од корона вирусот и сега тие ја гледаат иднината како предизвик. Како што велат, особено во овој момент на економска неизвесност, кога хотелите, како и многу други вработени во туризмот, бараат поголема поддршка. Ова особено се однесува на зголемените трошоци за енергија и други инпути, како и други економски несигурности.

Фото: unsplash

Извор: политика