Градоначалникот на Центар Андреј Жерновски денеска објави фотографии од, како што вели, скапоцената ограда што треба да биде поставена на мостот „Слобода“. Оградата се чува на непозната локација, а фотографиите биле пронајдени во едно од депоата во градот. „Пред две години, Коце Трајановски изјави дека оградата за овој мост ќе чини „само“ 1 милион евра, потоа од кабинетот на градоначалникот на Скопје беше објавена информацијата дека оградата ќе чини 1,8 милиони евра, за да еден месец пред изборите ова цената се намали на 1 милион и 180 илјади евра. Оваа ограда се уште не е готова, се чува во тајност, а очигледно е дека намерата е да не се вознемири јавноста пред избори“, вели Жерновски. Правејќи споредба со времето кога градски татко беше Ристо Пенов, Жерновски забележува дека тогаш за 1,5 милиони евра биле направени два моста - кај Хром и мостот „Близнаци“, а сега со тие пари се прави само една ограда.