Големо невреме беснее низ Европскиот Континент. Интензивниот дожд и ветерот доведоа до големи поплави, огромни бранови и големи прекини на електричната енергија во Ирска и Обединетото Кралство од 18 до 19 октомври, а во Германија пак имаше сериозни проблеми во железничкиот сообраќај.

Силните ветрови и поплави погодија неколку земји во северна Европа, бидејќи регионот претрпе пообилни врнежи во петокот кои синоптичарите велат дека ќе продолжат и во викендот. 

Се очекува дека ветровите најсилно ќе го погодат источниот дел на данскиот полуостров Јитланд и данските острови во Балтичкото Море. Но, северниот дел на Британските острови, јужна Шведска и Норвешка, како и северна Германија се исто така на патот на бурата, наречена Бабет.

Потврдено е дека две лица загинале во Велика Британија, а уште едно се води како исчезнато. 

-Бабет ќе продолжи да носи значителен ветер и дожд во Ирска и делови од Обединетото Кралство во текот на викендот, предупредуваат метеоролозите на AccuWeather.

Метеопрогнозерот, Славчо Попоски, пак, за кај најавува температури и до 30 степени овој викенд.

-Времето нагло затопли и тоа поради силното јужно и југозападно воздушно струење, денес навистина имавме летен ден, најтопло беше во Битола каде се измерени дури 29 степени. Ваквата временска состојба и наглите промени на времето од топло на студено и обратно особено неповолно влијаат врз метеопатите, пишува Попоски.