Во Шуто Оризари денеска министерот за здравство, Арбен Таравари ја претстави новата докторка гинеколог Вјолце Мбиара и ја отвори амбулантата за гинекологија во поликлиниката. 

Решението е изнајдено по неколку работни средби помеѓу министерот за здравство Таравари, министерката за труд и социјална политика, Мила Царовска и министерот без ресор, Самка Ибраимовски.

Докторката Вјолца Мбиара е специјалист-гинеколог со долгогодишно работно искуство, меѓу другото, и во американска болница во Албанија. Таа засега не го зборува македонскиот јазик, но интензивно го учи посетувајќи курс по македонски.

За комуникација со пациентките ќе ѝ помогне медицинската сестра, Неџибе Исмаили која  работела во болницата во Чаир.

Во оваа општина жените повеќе години беа без гинеколог.