Нејзиното име е вброено на листата 100 жени основачи на стартапи во Европа. Таа е  еден од родителите на Групер. За нејзиниот успех, но и за развојот на вештините, најголемата „вина“ ја лоцира кон нејзината мајка. Задоволна од постигнатото веќе се фокусира кон предизвиците за 2018. 

„Во последниве неколку години голем акцент е ставен на role-modeling како ефективна стратегија за охрабрување и мотивирање преку споделување на приказните на оние кои го изоделе патот и постигнале успех. Претенциозно ми е за себе да кажувам колку сум ги мотивирала останатите жени да започнат свој бизнис, но секогаш се трудам да придонесам на заедницата преку бројните настани на кои ја споделувам мојата приказна и преку менторирањето млади претприемачи, вели Нина“.