Потпретседател на СДСМ Мухамед Зеќири, во емисијата „24 анализа“ на ТВ24 изјави дека  екс премиерот Никола Груевски може да се врати во државата само ако си ја одлежи казната затвор. 

„Не може Никола Груевски да се врати во државата со некакви гаранции дека ќе си биде слободен, тој може да се врати единствено да ја одлежи казната што му е изречена и да си ги дочека пресудите за другите предмети коишто се отворени за него“, вели Зеќири. 

Во нон пејперот на словенечкиот премиер Јанез Јанша, како што беше објавено во медиумите, во една негова верзија Груевски се опишува како човек на кого ќе му бидат дадени гаранции мирно на голема врата да се врати без последици во Македонија.