На пресот на министерот за економија Крешник Бектеши денеска се случи скандал. 

Новинарка го искара министерот затоа што не го користи вистинското име на државата – „Република Северна Македонија“.

Додека министерот објаснуваше зошто гласал за концесиите за рудникот Иловица-Штука, новинарката Александра Дуковска се побуни зошто Бектеши ја нарекува државата Република Македонија кога, таа, како што рече, е непостоечка држава.

„Зборувате за непостоечка држава. Зборувате за државата на која името ѝ е променето, а стоите тука покрај три знамиња“, реагираше Дуковска.

Таа го праша Бектеши дали знае како ни се вика државата, а тој и одговори дека знае. Подолу имате видео од прес - конференцијата и објаснувањето кое го даде министерот. 

Со Преспанскиот договор потпишан во 2018 година, земјава го промени името и го реши тридеценискиот договор со Грција. 

фото принтскрин