Eвроамбасадорот Самуел Жбогар по денешната средба со претседателот на Стопанската комора на Македонија, Бранко Азески, изјави дека време е да видиме конкретни промени во судството,  затоа што владеењето на правото има влијание врз економијата.

„Видовме напори што ги прави Владата, Парламентот и други институции за усвојување на законите и за приспособување на законодвството, меѓутоа сега веќе е време да видиме и конкретна промена во судството, а за тоа се одговорни судиите и обвинителите кои работат на случаите. Странските инвеститори, исто така, се многу важен сегмент од економијата и тие за своето функционирање бараат безбедност која всушност може да им ја понудат судовите и правосудниот систем чии што одлуки ќе бидат засновани на законите“ – рече Жбогар.

Додаде дека странските инвеститори, придонесуваат за развој на Бруто домашниот производ (БДП) и за извозот, и затоа владеењето на правото во земјата е уште поважно.