Кутиите се наполнија со онолку ливчиња колку што излегоа граѓани да го дадат својот глас за изборот кој остана во вториот круг - Завршија локалните избори во 2025 година.

Мирни, демократски, велат политичарите, иако имаше кршење на изборниот молк, но и фотографирања на избирачки ливчиња. 

Денеска се бираше градоначалник во општините: Аеродром, Боговиње, Брвеница, Валандово, Виница, Дебар, Дебарца, Демир Капија, Карпош, Кичево, Конче, Кочани, Крушево, Куманово, Лозово, Македонска Каменица, Македонски Брод, Могила, Неготино, Пробиштип, Ранковце, Росоман, Струга, Студеничани, Тетово, Чешиново Облешево, Чучер Сандево, Шуто Оризари и во Градот Скопје.

Во Гостивар, Врапчиште, Центар Жупа и Маврово втор круг немаше, бидејќи поради немање цензус во првиот круг, таму изборната постапка ќе се повтори во рок од 60 дена по завршувањето на изборите.