Заврши меѓу граничниот проект што Општина Виница го реализира во соработка со општината Банско од Република Бугарија, наменет за инфраструктурно уредување на археолошкиот локалитет Виничко кале во Виница , а се реализираше со средства одобрени од ИПА фондовите. Со проектот е асвалтиран патот до локалитетот Виничко кале во должина од 295 метри, изграден е паркинг простор со површина од 1.095 метри квадратни, изградена е пристапна патека до влезот на тврдината и извршено е комплетно осветлување на целиот локалитет. Вкупната вредност на проектот изнесува 125 илјади евра, средства со кои покрај инфраструктурното уредување се реализирани и две обуки за менаџирање со археолошкиот локалитет во Виница.