Заврши средбата меѓу премиерот Христијан Мицкоски и министерот за здравство од Алијанса за Албанците, Арбен Таравари, а од Владата соопштија само дека била „во конструктивен дух“. 

Разговорите продолжуваат, а во текот на овој месец ќе се знае иднината на функционирањето на Алијансата за Албанците на Таравари. Мицкоски на средбата ги потврдил јавно изнесените позиции, велат од Владата.

Таравари сè уште не ја исклучил ДУИ како опција за соработка. Тој постојано негираше дека соработувал со претседателот на ДУИ, Али Ахмети, но на крајот призна дека имал телефонски разговор во деновите кога Алијанса за Албанците требаше да одлучи за форматот на учество на претстојните локални избори. Есенва ќе имаме локални избори.