Денеска ќе биде разрешена директорката на Клиниката за дерматологија Нина Цаца Биљановска, потврди министерот за здравство Венко Филипче. Тој рече дека има таква можност и покрај тоа што е предизборен период, му укажала претседателката на Комисијата за спречување на корупцијата.

Филипче рече и дека денеска ќе биде назначен вршител на должност директор на оваа клиника. 

Денеска од Лекарската комора изјавија дека директорката на Клиниката за кожни болести која била во Италија, а не ги почитувала препораките за самоизолација и доаѓала на работа, засега може да добие само јавна опомена.

За опомената утре ќе одлучува етичката комисија на Комората, а опција за одземање на лиценцата, како што велат, засега нема бидејќи нема судска одлука.