18 февруари е одредениот датум кога започнува судскиот процес за незаконско финансирање на партијата ВМРО-ДПМНЕ во случајот „Талир“ за кој беше претходно прифатено дека има основа за обвинителен акт.
На обвинителска клупа седнуваат поранешниот владин секретар Кирил Божиновски, екс-министерот за транспорт и врски Миле Јанакиески и пратеникот Илија Димовски, како и извесниот Леко Ристоски. Во оваа постапка обвинети се и поранешниот премиер, Никола Груевски и Елизабета Чингаровска која лани призна вина и доби условна казна.
Осман Шабани веќе е одреден за судија кој ќе го води овој случај. Станува збор за две обвиненија во случајот, од кој едното се однесува на незаконско финансирање на правното лице – политичка партија ВМРО-ДПМНЕ,а второто за незаконската изградба на седиштето на политичката партија ВМРО-ДПМНЕ.
Обвинението за „Талир“ Основниот суд Скопје 1 го одобри на 11 јануари, 2019.
