Уставниот суд ја зпаочна седницата на која треба да се потврди или отфрли одлуката за распишување на референдумот од страна на Собранието на РМ на 30 јули, а како присутни се повикани иницијаторите Левица и Светски македонски конгрес кои тврдат дека референдумското прашање е непрописно.

Претставниците на Левица и СМК бараат Уставниот суд целосно да ја поништи одлуката за референдум, а доколку одлуката ја донесе по референдумот, тогаш да ги поништи резултатите.

Првата можност е да ја отфрли иницијативата, ценејќи дека прашањето не е такво за Уставниот суд да постапува. Втората може да биде Судот да ја одбие, односно да не поведе постапка кога веќе ја ставил во фаза на одлучување, и третата, може да одлучи да поведе постапка отпосле, да оди и на соодветно укинување или поништување.