Денеска пред Основниот суд во Куманово се одржува протест заради, како што велат организаторите, неправдата направена врз таткото на малиот Алмир, кој беше прегазен од Бобан Илиќ, и неговиот чичко, инаку учесници во претходна тепачка во кумановската болница.

„Овој протест ќе треба да ја подигне свеста дека граѓаните ќе мора еднаш засекогаш да се чувствуваат безбедно и рамноправно пред секој закон и суд. Сите сме еднакви и сите заслужуваме владеење на правото“, гласи повикот.

Случајот со затворањето на родителот на малиот Алмир ги докажува фашистичките постапки на владата преку заробениот суд. За жал, дури и со владиното „општество за сите“, Албанците сè уште страдаат од времето на антиевропскиот и антиалбанскиот груевизам, додаваат од таму.