МВР во раните утрински часови евидентираше три целосно и две делумно оппжарени возила во штипската населба Сењак, на улицата „Борис Крајгер“.
Два целосно опожарени автомобили се на Никола Тушев, поранешен претседател на ОО на СДСМ Штип и на неговиот татко Мите Тушев.
Двајцата се брат и татко на Маринела Маричиќ Тушева, поранешна пратеничка и сопруга на Бојан Маричиќ, технички секретар за преговарање со ЕУ во Владата.
Никола Тушев за МИА го потврди инцидентот и наведе дека во тек е увидот на местото на настанот, а во моментов е пристигната и екипа на крим техника од Скопје.
Возилата биле запалени во 5 часот наутро со молотови коктели а не биле паркирани едно до друго, туку на растојание.
Ова не е прв случај на палење автомобили во штипската населба Сењак, која има историја на вакви инциденти.
