Запалени два камиони кај СРЦ „Јане Сандански“, две лица уапсени
Двајца скопјани се уапсени кои доцна синоќа запалиле два камиони во сопственост на фирма и едно патничко возило кај спортско-рекреативниот центар „Јане Сандански“ во Аеродром.
„На 08.10.2025 во 02:20 часот во СВР Скопје е пријавено дека на паркинг простор од Спортскиот центар „Јане Сандански“ на подрачје на општина Аеродром во Скопје биле опожарени товарно возило „ивеко“ со скопски регистарски ознаки и товарно возило „рено“ со скопски регистарски ознаки, двете сопственост на правно лице од Скопје и патничко возило „опел“ со прилепски регистарски ознаки, сопственост на Е.С. од Прилеп.
Во 02:50 часот пожарот бил изгаснат од екипа на Бригадата за противпожарна заштита Скопје, а по преземени мерки и активности на полициски службеници од Полициската станица Аеродром и Единицата за интервентна полиција при СВР Скопје, поради сомнение дека го предизвикале пожарот, на бул.„АСНОМ“ од слобода се лишени Ф.Ц.(23) и И.Ц.(24), двајцата од Скопје“, информира министерството.
Уапсените се задржани во полициска станица за понатамошна постапка.
Слично
Поврзани вести
