Почина македонскиот легендарен снимател Ѓоко Поповски, познат по тоа што ги направи првите снимки од скопскиот земјотрес во 1963 година.Со децении беше дел од телевизиски редакции и документарни екипи, а беше еден од ретките сниматели кои ги снимаше настаните со југословенскиот претседател Јосип Броз Тито.

Популарниот Гањо беше сведок на неколку војни и природни катастрофи,земјотреси низ светот. Со неговиот фото објектив документирал многу потресни моменти и човечки судбини.

Снимателот на кого му се поклонува цела снимателска фела и човек почитуван и ценет од целата светска јавност, со голем број на награди и признанија, кобното утро на 26 јули бил во својот дом, речиси ништо не навестувало на доаѓањето на големата катастрофа и се било мирно и тивко.

Гањо претходниот ден купува десет филмови за неговиот фотоапатрат , незнаејки дека фотографиите од тие филмови ќе го обиколат целиот свет, откако скопјани ќе се разбудат во рушевините во 5 часот и 17 минути, а тој прв ќе ги документира човечките судбини.