Општина Битола ја замени спомен таблата на споменикот на Херојот Алаксандар Турунџев која не беше напишана со македонска кирилица. 

„Како што можете да забележите од сликата, сега е сè во ред, напишано на македонски јазик, со македонска кирилица. Вечна слава на херојот!“, ообјави ренмиранит типограф Ласко Џуровски.

Општина Битола пред една недела рече дека ќе изработи нова спомен - плоча со современ македонски фонт, целосно усогласен со правописните норми на македонскиот литературен јазик, по откривањето на споменикот на Александар Турунџев и реакциите дека за натписот е користен фонт со бугарски букви.

Споменикот на војводата Александар Турунџев, кој осум години стоеше во дворот на Општина Битола, пред една недела беше свечено откриен на кружниот тек кај Ат-пазар, местото каде што бил погубен пред 120 години.