Втор ден во Собраниеето се расправа за Законот за јазици. 

Според пратениците од мнозинството, законот е дел од патот на евроатлантските интеграции на Македонија и на никаков начин не го нарушува ниту Уставот, ниту унитарниот карактер на Македонија. За нивните колеги од опозицијата, законот е противуставен за што говори и фактот дека се носи со европско знаменце. 

Шилегов вели дека е крајно неодговорно да се тврди дека во Берово, во Виница, во Делчево ќе дојде до ограничена употреба на македонскиот јазик. 

Тој додава дека предложениот закон ќе донесе хомогенизација, мир, стабилност во меѓуетничките односи.

Никој не треба да се плаши од Законот за употреба на јазиците, станува збор за универзално право и не треба да се сее страв дека државата ќе се распадне ако се усвои овој закон, повика Весел Мемеди, заменик претседател на собраниската Комисија за европски прашања.