Законот за државјанство со европско знаменце треба в четврток да се најде пред пратениците во Собранието. 

Од Левица велат предлогот законот е штетен за македонските интереси и ќе предизвика сериозни промени во етничката структура на Македонија. Од партијата велат дека најспорно е намалувањето на години потребни за добивање државјанство од осум на седум години и бришењето на задолжителната заклетва за лојалност.

Пратеникот Борис Крмов најавува дека Левица ќе предизвика целосно запирање на работата на Собранието и на сите закони кои што се во процедура или пак ќе бидат испратени. Ако овој закон помине во Собранието, тие ќе го оспорат и пред Уставниот суд.

Премиерот Зоран Заев вели дека со овој закон ќе се решат проблемите на луѓето кои со децении живеат во земјава без државјанство.