Закажи, откажи си играат судовите со цел исполнување на „желбите“ на одбраната на екс премиерот Никола Груевски.

Денешното рочиште за случајот „Траекторија“ е одложено поради тоа што обвинетите побараа рочиштата да бидат снимени.

Со ова барање одбраната фактички го искористува правото што им следува на обвинетите, судењето да се снима со визеуелен и тонски запис. 

Следното рочиште кога екс премиерот и останатите обвинети меѓу кои се екс министерот Миле Јанакиески и екс вицепремиерот Владимир Пешевски ќе седнат на истата обвинителна клупа е 18 декември.

Во овој случај обвинетите се гонат за оштетување на буџетот за 155 милиони евра.

Кога од СЈО го отворија случајот рекоа дека во втората половина на 2012 и 2013 осомничените презеле повеќе дејства за избор на компанија за изградба на автопатот Миладиновци – Штип и Тетово – Охрид, со што го оштетиле буџетот  од 155 милиони 117 илјади 172 евра и за тој износ ѝ овозможиле на компанијата изведувач да се стекне со имотна корист.