Eкс бугарската шефица на дипломатијата, Екатерина Захариева, вели дека во односите со Македонија, бугарскиот интерес е заштитен. 

Според неа, таканаречениот „македонски јазик“ е преддокофициран бугарски литературен јазик. 

„Ова е пишана регионална норма на една од шесте норми на бугарскиот јазик. Создаден е по 1945 година“, вели Захариева во нејзиното гостување во БНТ.

Захариева изјави дека не станува збор за признавање на македонскиот јазик од Бугарија, а јазичната формула веќе ја има во декларација од 1999 година, реафирмирана со договорот во 2017 година.

„Декларациите ќе бидат дел од целиот пакет. Не можеме да ги обврземе другите 26 земји во ЕУ да размислуваат како Бугарија, дека нема македонски јазик“, вели Захариева.

Фамозниот протокол веќе не е тајна. Министерството за надворешни работи го објави документот кој вчера во Софија го потпишаа шефовите на дипломатиите на Македонија и на Бугарија, Бујар Османи и Теодора Генчовска.