Екатерина Захариева, министерката за надворешни работи на Бугарија, се обрати пред пратениците во Народното Собрание пред изгласувањето на пристапниот Протокол за прием на Македонија во НАТО и кажа дека двете земји заедно ќе се развиваат економски.

- Членството во НАТО бележи нова етапа во односите на двете држави. Од првостепена важност останува да биде подобрувањето на заедничката инфраструктура, изградба на прекугранични патишта и магистрали. На тој начин инвеститорите ќе можат да откријат нови можности во развојот на двете економии“, рече Захариева во својот говор.

Додаде дека моментот на приклучувањето на Северна Македонија е историски за НАТО. Таа напомена дека Бугарија е постојан подржувач на интеграцијата на својот сосед во Алијансата и во Европската унија. Бугарија земала за обврса да работи на тој процес, да и помогне на Македонија во внатрешните рефроми како и на тоа да го стабилизира регионот, смета шефицата на бугарската дипломатија.