Според екс министерката за надворешни работи на Бугарија, Екатерина Захариева во спорот со Македонија има чекор назад во односите, наместо голем напредок. 

„Ова не е прв пат да има сигнали од премиерот дека е подготвен на компромис без РСМ да направи нешто. Тој побара советодавна седница без да информира никого дали има некаков напредок кој може да се исполни и сака да ја пренесе одговорноста на претседателот на парламентот“, изјави за бугарска Нова поранешната министерка за надворешни работи и пратеничка на ГЕРБ,  Захариева.

Вели дека од потпишувањето на Договорот за добрососедство во 2017 година, секогаш имало заеднички иницијативи и прослави. 

„Неговата имплементација е блиску до 0 од страна на РСМ. Не гледаме потреба да се свика седница за Македонија, но ако има, веројатно ќе учествуваме“, кажа таа.

Пратеникот од владејачката бугарска партија „Продолжуваме со промените“ Венко Сабрутев ги бара моштите на Цар Самоил за да Бугарија го тргне ветото за Македонија.