СВР Охрид информира дека странски рабтник од Албанија загинал вчера откако во селото Требеништа му паднала машина додека работел на трафстаница.

„На 19.12.2025 во 16:10 часот во СВР Охрид е пријавено дека врз Х.И.(44) од Либражд, Република Албанија, при изведување работни активности на трафостаница во близина на селото Требеништа, општина Дебрца, паднала работна машина-пумпа за бетон. 

Тој со тешки повреди, со патничко возило бил пренесен во близина на аеродромот Охрид, каде бил предаден на екипа од Итната медицинска помош, која констатирала дека Х.И. починал“, гласи инфрмацијата на полицијата.

Увид на местото на настанот извршија јавен обвинител,  полициски службеници и Државен инспекторат за труд.