Поканата за отпочнување преговори за членство на Македoнија во Алијансата, премиерот Зоран Заев ќе добие лично од генералниот секретар на НАТО Јенс Столтенберг во четврток, во 13 часот и 30 минути. 

Ова стои во првичната агенда на Владата испратена до акредитираните новинари кои ќе го следат настанот. Дводневниот Самит на лидерите на НАТО почнува во среда. За во четврток најавена e централна прес конференција на генералниот секретар на НАТО Јенс Столтенберг, а потоа тој ќе одржи и заедничка прес конференција со македонскиот премиер. 

Во владината делегација која ќе присуствува на НАТО самитот, покрај премиерот Заев се и вицепремиерот за европски прашања Бујар Османи, министерот за надворешни работи Никола Димитров и министерката за одбрана Радмила Шеќеринска.