Заев загрижен од најавите за можно укинување на безвизниот режим со ЕУ
Премиерот Зоран Заев денеска рече дека е загрижен од неформалните најави на ЕУ да го укине безвизниот режим за земјите од Западен Балкан, иако според него Македонија не направила никакви злоупотреби.
- Ние го немаме проблемот, но не значи дека не треба да бидеме загрижени за нешто што се случува за Западен Балкан. Во редовните коресподенции со Европската Унија едно од прашањата е токму тоа - визната либерализација има свои критериуми и стандарди и затоа треба да биде почитувана и оддржана. За жал, многу често се злоупотребува, ама тоа од поединци и тогаш се очекува од земјите кои ја имаат визната либерализација а не се членки на ЕУ да превземаат соодветни чекори. Кај нас чекорите кои ги превземаме се превентива - да не се случат такви работи, рече денеска Заев пред медиумите.
Наводната злоупотреба од страна на некои држави од Западен Балкан, како и од Молдавија, Грузија и Украина, ги натера некои членки на Европската унија, како што се Германија и Франција, да ја разгледаат можноста за укинување на безвизниот режим, се наведува во интерен документ на ЕУ. Меѓу наведените злоупотреби се незаконски престој и неосновани барања за азил. Документот е од 27 септември.
Слично
Поврзани вести
