Премиерот Зоран Заев на денешната средба со новинарите рече дека во април следната година ќе се одржат избори за претседател на СДСМ на кои ќе гласаат непосредно сите членови на владеачката партија.

- Пред јавноста ќе откријам дека во април месец ќе има гласање за претседател на СДСМ на сите членови на партијата, откако за тоа ќе се направи статутарна измена, рече претседателот на Владата.

Тој најави дека на денешната владина седница ќе се носат конкретни одлуки за платите на културата и детските градинки,како и за дивоградбата кај Мавровка.

За пакетите за економска помош прво ќе има постапка на консултации со синдикатите и коморите, а за тоа денеска ќе добие насоки економскиот тим, најави Заев.