Премиерот Зоран Заев денеска во Брисел се сретна со високата претставничка за заедничка надворешна и безбедносна политика на ЕУ и потпретседателка на ЕК, Федерика Могерини.

„Нова енергија во односите меѓу Македонија и ЕУ“- напиша Заев на Фејсбук по средбата со Могерини.

Премиерот денеска ќе се сретне и со еврокомесарот за добрососедска политика и преговори за проширување, Јоханес Хан, како и со генералниот секретар на НАТО, Јан Столтенберг. 

„Владата е целосно посветена со конкретен план за реформи заедно со инсистуциите на ЕУ, посветено да работи и на изнаоѓање решенија за отворање на поглавјата 23 и 24, како суштински, не само за процесот на преговори, туку и за реформите на домашен план кои треба да ја вратат довербата на граѓаните во институциите и владеењето на правото “ - порача Заев пред доаѓањето во Брисел. 

Во Брисел се и вицепремиерката и министер за одбрана,  Радмила Шекеринска, вицепремиерот за евроинтеграции,  Бујар Османи и министерот за надворешни работи, Никола Димитров.