По средбата со шведскиот дипломат лидерот на СДСМ најави деблокирање на демократските процеси и брзо формирање на влада.

Од кабинетот на Заев соопштуваат дека двајцата функционери констатирале 
дека демократските процеси се неопходни за напредокот на Република Македонија и дека мора да се овозможат низ почитување на Уставот и законите од страна на сите политички субјекти и институции во државата.  

„Парламентарното мнозинство ја презема обврската да го деблокира демократскиот процес во Парламентот согласно Деловникот, Уставот и законите. Ќе биде брзо избран новиот  претседател на Собранието, а потоа и новата реформска Влада. Тоа е одлука на мнозинството граѓани, изразена на кредибилни избори и сите институции во државата се должни да обезбедат мирен трансфер на власта“, рекол Заев.

Меѓудругото нагласено е дека се недозволиви разгорувања тензии и насилства што се противуставно дело на штета на државните интереси и дека секој кој би се впуштил во такви активности ќе мора да понесе одговорност.