Лидерот на СДСМ, Зоран Заев по одржаниот конгрес изјави дека имаат кадровски освежувања, и дека државата ја изнеле на прав пат. 

Со изборот на Сања Лукаревска за нов заменик на СДСМ, рече дека испраќаат порака дека даваат шанса на младите.  Рече дека во ЦО две третини се нови лица. Една третина веќе биле членови на ЦО. 

„Со ова правиме освежување, но и го задржуваме континуитетот на искуството“, рече тој. 

Заев рече дека имаат 45 млади во ЦО на партијата. Вели дека подмладен, значи и подобар СДСМ, кој ќе биде носител на новото време. Објасни дека се менуваат и дека имаат кадри од различни професии. Лидерот рече дека партијата е во полн погон. 

„Сега заедно почнуваме едно 4 годишно поглавје со јасно зацртани цели. Продолжува фокусот за заштита на здравјето на граѓаните преку имунизација, ред, правда и дисциплина“, вели Заев. 

Вети изградба на  260 километри автопатишта, а 1.500 километри од постојната инфраструктура ќе бидат реконструирани.