Во однос на денеска најавениот телефонски разговор меѓу премиерот Заев и неговиот грчки колега, од по отворањето на Бизнис форумот-инвестициски проекти и можности во секторите транспорт, енергетика и животна средина првиот човек на Владата се надева дека јавноста денеска ќе слушне убави вести.

Премиерот  очекува во денешниот телефонски разговор со неговиот грчки колега Алексис Ципрас да бидат заокружени сите апекти и да биде постигнат договор за долгогодишниот спор за името. 

Тој соопши дека вчера имале навистина квалитетно унапредување на разговорите. 

„Се надевам дека денеска ќе можеме нешто убаво да и соопштиме на јавноста. Реков дека сум оптимист и оти е возможно да се постигне договор, но денеска имаме уште еден суштествен разговор, за мене многу важен. Се надевам дека ќе ги заокружиме сите аспекти за да го исполниме очекувањето на двете страни“-кажа Заев.