Заев нема симптоми на Ковид-19, ги чека резултатите од тестот
Лидерот на СДСМ, Зоран Заев на ФБ информира дека нема симптоми на вирусот, но во наредните две недели останува во карантин.
-Би сакал да ве информирам дека во текот на минатата недела имав ТВ интервју со новинар, за кој неодамна се утврди дека е позитивен на КОВИД-19. Иако во текот на интервјуто ги преземавме сите заштитни мерки како избегнување контакт и одржување дистанца, согласно сите протоколи, од денеска сум во самоизолација во мојот дом во Струмица. Немам симптоми, денеска се тестирав за присуство на вирусот и резултатите ги очекуваме во текот на денот - по што ќе се утврдат следните чекори, напиша Заев.
Слично
Поврзани вести
