И покрај тоа што нема промени во бугарската позиција, мaкедонскиот премиер Зоран Заев е уверен деке е можно решение со источниот сосед до крајот на декември. 

Вели дека различностите не ни се толку големи и имаме должност да отвораме иднина, а не да бидеме заглавени во минатото. Заев вели дека германската канцеларка, Ангела Меркел и францускиот претседател Емануел Макрон биле настојчиви, прецизни, и јасни во разговор со него и со бугарскиот претседател Румен Радев. 

Заев рече дека шестата точка од протоколот „5+1“ кој го најави претседателот на Бугарија, Румен Радев, на Самитот ЕУ-Западен Балкан во Брдо е признавање на бугарската национална заедница во македонскиот устав пред земјата да стане членка.

Додека не се тргне бугарската блокада, Македонија не може да ги почне преговорите со ЕУ. Претходно, Франција не дозволи Македонија и Албанија да почнат преговори, со објаснување дека треба да направат реформи внатре во унијата.