Со градоначалникот на Кавадарци Митко Јанчев имаме добра соработка, но овој пат ние не го поканивме да дојде, рече денеска премиерот Зоран Заев кој со министерот за транспорт и врски Благој Бочварски направија увид на реконструкција на патниот правец Кавадарци-Дреново, на новинарско прашање зошто и Јанчев не е таму.

„Имаме добра соработка, но овој пат ние не го поканивме затоа што е предвечерие на изборите. Не сакаме некому да наштетиме, ниту пак да не бидеме од посебна корист. Со него имаме добра соработка, но соработуваме на државните проекти најмногу. И да сакаме да потрошиме пари треба одобрение за градба и да се заврши административната работа. Не можиме да се пожалиме но бенефитот го имаат кавадарчани. Секако тоа е благодарание и на нашите пратеници кои носат дбри проекти кои се инкорпорираат во буџетот за реализација. Имаме соработка и со Зрновци, Сопиште, Илинден, каде не се градоначанили од СДСМ. Секако тоа не за Заев или за некој друг туку за граѓаните, изјави Заев.