Анкетниот лист кој го пополнил новиот претседател на Владата на Република Македонија е еден од поскромните на новите владини функционери бидејќи има доста министри со прилично богати салда и имоти. 

Зоран Заев до Државната комисија за спречување на корупција поднел анкетен лист во кој речиси и да нема ништо на свое име, освен даден заем во висина од 4.300.000,00 денари. Се останато е на име на членови на семејството. Неговата сопруга има орочен депозит во вредност од 445.445,00 денари додека пак неговите родители кои имаат имот и недвижности во Струмица. 

Родителите на Заев поседуваат куќа од 400 метри квадратни, стан од 65 квадрати и деловен простор од 60 квадрати. Тие исто така располагаат и со акции чија вредност се проценува на 12 милиони денари. Поголема ставка кај семејството се бележи и кај децата на премиерот на чие име е оставен орочен депозит во износ од 1.648.269,00 денари.