Заев на прием во седиштето на НАТО
Премиерот Зоран Заев, в понеделник, освен во Европската комисија, ќе има прием и во седиштето на НАТО, јавува МИА.
Тој ќе се сретне со генералниот секретар Јенс Столтенберг. Според најавите од Алијансата, Заев на средбата со Столтенберг ќе биде придружуван и од новата министерка за одбрана, Радмила Шеќеринска, како и од министерот за надворешни работи, Никола Димитров.
Претходно беше најавено дека Заев во Брисел ќе се сретне со високата претставничка за надворешна и безбедносна политика на Европската унија, Федерика Могерини и со еврокомесарот за преговори за проширување Јоханес Хан. Ова е прва посета на Заев во Брисел откако стана премиер.
Слично
Поврзани вести
