На синоќешната божиќна миса во Католичката црква во Скопје, покрај премиерот Зоран Заев и неговата сопруга Зорица Заева, присуствуваа и вицепремиерите Радмила Шекеринска, Кочо Анѓушев и Бујар Османи.

„Ви го честитам Христовото раѓање - Божик, на сите припадници на Католичката црква и на сите Христијани што денеска слават.
Радоста за време на празникот на Христовото раѓање нека ги поврзе сите граѓани на нашата земја и нашите сограѓани во светот. Со благословот на овој голем христијански празник да ги дочекаме идните денови во нашите домови и заедници исполнети со ведрина и верба дека секој нареден ден ќе биде подобар“, напиша Заев во својата честитка.

На свечената литургија присуствуваа оретседателот на Македонија, Ѓорѓе Иванов, а од опозицијата беа лидерот на ВМРО-ДПМНЕ, Христијан Мицкоски, и пратеникот Влатко Ѓорчев.