Премиерот Зоран Заев денеска напладне ќе интервенира кај пратеничките групи и со своето влијание ќе се обиде да помогне да се изнајде консензус за избор на нов главен државен ревизор, функција која е обезглавена две години.

Тоа ќе биде последен обид да се дојде до решение во собраниската комисија за именувања, бидејќи од утре без мандат останува и заменикот Насер Адеми.

Без неговиот потпис нема да може да се даваат насоки за работа, ниту пак да се исплати плата за ревизорите кои вршат контрола на работењето на државните институции.

Нов главен државен ревизор не може да се избере ако за тоа не гласаат и пратениците на ВМРО-ДПМНЕ во Комисијата за избор и именување, бидејќи таму власта нема мнозинство.