При носењето на новиот закон за безбедност во сообраќајот внимание ќе им биде укажано и на автошколите кои имаат свои интереси во областа на обучување на кандидати за возачки испити. Затоа премиерот Заев заедно со министерот за внатрешни работи се сретна со Националното здружение на автошколи и возачи-инструктори „Обука-Л“ при што беше разговарано како да се вклучат во процесот на давање предлози за законското решение и изразување на нивните барањеа.

Премиерот Заев искажувајќи разбирање за проблемите со кои се соочуваат, и од кои зависи и опстанокот на автошколите, ги охрабри да ја продолжат интензивната комуникација со министерот Спасовски за попрецизна и подетална формулација на новото предлог-законско решение.

Министерот Спасовски на средбата информираше дека посочениот предлог-закон, со имплементирани бројни забелешки од јавната расправа, како и од претставниците на автошколите во работната група која го изготвувала законот, по добивањето на комисиското мислење, ќе влезе во собраниска процедура, соопштија од Владата на Република Македонија.