Откако министерот за внатрешни работи, Оливер Спасовски соопшти дека е позитивен на коронавирусот, се тестираа премиерот Зоран Заев и заменик-претседателот на Владата задолжен за борба против корупцијата и криминалот, Љупчо Николовски при што и двајцата се негативни. 

„Да носиме заштитни маски, да држиме физичка дистанца, да ги избегнуваме големите групни настани и на тој начин заеднички ќе ја добиеме битката со ковид-19“, напиша Заев на Фејсбук.

Заев кажа дека немал директни контакти со Спасовски, а контактите што ги остварил биле со почитување на заштитни мерки. 

Николовски напиша дека поради природата на неговата работа се тестирал и е негативен. И тој упати апел да се почитуваат мерките. 

Спасовски пак ќе работи од дома, и соопшти дека има лесни симптоми.