Заев и Ципрас ќе се закитат со уште една награда
Македонскиот и грчки премиер, Зоран Заев и Алексис Ципрас ќе се закитат со уште една награда.
На Минхенската безбедносна конференција, Заев и Ципрас ќе ја добијат наградата „Ewald von Kleist“ за Договорот од Преспа. Информацијата ја објави утрово претседателот на конференцијата, Волфганг Ишнигер, на неговиот официјален Твитер профил, јави дописничката на МИА од Атина.
„Причина за славење: Алексис Ципрас и Зоран Заев ќе ја добијат наградата Ewald von Kleist за 2019 (во чест на основачот на Минхенската безбедносна конференција), во сабота, за време на конференцијата“ – напиша Ишингер на Твитер.
Во изјава за грчката новинска агенција АНА-МПА, претседателот на Минхенската безбедносна конференција и поранешен амбасадор на Германија вели дека Грција и Северна Македонија постигнаа историско достигнување.
„Во ера во која се ретки дипломатските успеси, надминувањето на долгогодишниот спор на Грција и Северна Македонија е пријатна разврска. Двете земји заедно постигнаа историско достигнување, вели Ишингер во изјавата за грчката новинска агенција“ – пренесе МИА.
Зоран Заев и Алексис Ципрас се меѓу фаворитите за Нобеловата награда за мир, изјави претходно Виктор Нумелин, новинар на шведската агенција ТТ, специјализиран за Нобеловите награди, во интервју за грчката агенција АНА.
Слично
Поврзани вести
