Премиерот Зоран Заев го зголемил бројот на надворешни соработници, како посебна група надвор од евиденцијата на лични советници во кабинетот, кои отчет му даваат само нему и тоа на 39-мина, објави Призма.

За осум месеци тие се зголемиле за плус осуммина и вкупно за сите се плаќа 26.440 евра месечно, односно сумата е зголемена за дополнителни 7.440 евра.

Во групата од нови седуммина новајлии се Виолета Дума, Александра Љочева, Љупчо Зафироски, Еида Реџа, Стефани Арсовска, Бобан Ивановски и Петер Пулер. 

Хонорарите што ги добиваат се движат од најмалиот од 30.000 до најголемиот од 73.800 денари месечно.

Ангажирани се за совети од областа на правдата, економијата, ЕУ-интеграциите, ЕУ-фондовите и информатичките технологии.