Премиерот Зоран Заев  вечерва на трибина во Берово изјави дела очекува најдоцна до мај 2020 година, Македонија ќе биде полноправна членка на НАТО.

„Очекувам меѓу јануари и мај 2020 година да бидеме полноправна членка на НАТО. Нашето место е до Норвешка, си го знаеме и столчето. Нашиот јарбол е веќе поставен, нашето знаме ќе биде таму. Две причини се зошто денеска стигнавме до тука. Првата е дека дојде времето, созреа. Втората работа е тоа што ни се случува во регионот. Македонија е многу блиску до Европската унија“- вели премиерот. 

Додава дека ни треба раст од 7 до 11% и дека мора да донесеме важни одлуки. 

Премиерот пред беровчани го презентираше Договорот со Грција и кои се предностите од него. 

Градоначалникот на Берово, Звонко Пекевски изјави дека пред 20 години градот имал три пати повеќе жители, и со бугарски пасоши заминуваат во земји кои се членки на НАТО и ЕУ. Но, тој рече дека оние нивни сограѓани кои земале бугарски пасоши се чувствуваат како Македонци и никаква хартија не може тоа да го смени. Пекевски рече дека оние кои тврдат дека идентитетот е загрозен, според него лажат од себични причини.