Премиерот Зоран Заев смета дека протокот на документот од американската амабасада во Скопје преку Викиликс ќе влијае позитивно на референдумот на 30 септември за прифаќање на договорот од Преспа и исчекор кон ингефрациите во ЕУ и НАТО.

Дипломатското претставништво изминатат деценија документирала констатации дека за Скопје е преифатливо името „Северна Македонија“ уште во 2008 година, а Заев вели дека тоа е уште една причина повеќе да се излезе на граѓанско изјаснување.

Официјално Скопје дало согласност за промена името во „Република Северна Македонија“ ,,под услов тоа да вклучува признавање на македонскиот јазик и националноста“ се наведува во досието.

– Верувам дека ваквите докази кои излегуваат во јавноста ќе бидат уште една причина да застанеме заедно сите и да и обезбедиме и  осигураме добра иднина на Македонија, рече Заев.

Додаде дека многу влади се труделе да изнајдат решение и оти и претходната влада се обидувала да најде решение и добро е што сега е потврден македонскиот идентитет.

– Знаете дека ги поседував разговорите кои сега се кај Специјалното јавно обвинителство. Многу влади се труделе да изнајдат решение и претходната влада се трудела. Дел од решението во делот на името и неговата севкупна употреба или како што се нарекува „ерга омнес“ било прифатено и во делот на Северна и во делот на Горна Македонија и драго ми е што ние добивме потврда на целокупниот наш идентитет – македонскиот јазик која што беше важна цел поставена на преговарачкиот тим, рече Заев.