Поранешниот македонски премиер Зоран Заев му честиташе на екс грчкиот премиер Алексис Ципрас за годишнината од Преспанскиот договор. 

„Во ова време на војни и хаотичен свет, сѐ повеќе сум среќен што успеавме да го постигнеме Преспанскиот договор, да изградиме трајно пријателство меѓу нашите соседни земји Северна Македонија и Грција”, пишува Заев. 

Во пораката уште се истакнува дека Преспанскиот договор „остави исклучително позитивен белег на Балканот, Европа и светот дека договорите можат да се постигнат преку дипломатски канали дури и за најтешките прашања меѓу земјите“.

На денешен ден во Нивици во Грција, делегациите на двете земји го потпишаа договорот од Преспа, со што се реши спорот за името. 

фото МИА