Заев денеска кај Мицотакис во Солун
Премиерот Зоран Заев денеска треба да се сретне со шефовите на Владите на Грција и Бугарија - Киријакос Мицотакис и Бојко Борисов на Самитот во Солун, кој се одржува под покровителство на грчкиот претседател Прокопис Павлопулос.
Заев најави и дека ќе оствари средби со голем број деловни луѓе од компании кои сериозно работат со нашите институции и најавуваат инвестиции во Македонија.
Тој за прв пат на грчко тло ќе оствари средба со Мицотакис, откако претходно се сретнаа само еднаш - на Генералното собрание на ОН во Њујорк како двајца премиери.
Заев најави свое обраќање на годинашниот Самит во Солун и дека ќе ги информира присутните за сите предности што ги има во земјава.
- Сакам да го споделам чувството на задоволство, колку е голем интерсот на грчките компании, особено за долната половина на државата поради близината на транспортот, рече Заев.
Ќе учествува на дискусијата „Југоисточна Европа: Иницијативи за регионална соработка и реформи”, која ќе се одржи вечер.
Самитот во Солун е организиран со поддршка од Федерацијата на индустриите на Грција, во партнерство со Конфедерацијата за трговија и претприемништво, и Американско-грчката стопанска комора.
Слично
Поврзани вести
